झक्कास् विनोद् (बायको)

पक्या पेताड सकाळी दहाला आळसटलेल्या स्थितीत, तांबारलेल्या डोळ्यांनी बिछान्यात उठून बसला आणि शेजारच्या टेबलावर अॅस्पिरिनची गोळी आणि पाण्याचा ग्लास बघून थक्कच झाला. मग त्याचं लक्ष अंगातल्या कपड्यांकडे गेलं, ते अगदी स्वच्छ होते. त्याची खोलीही स्वच्छ झाडलेली होती. आश्चर्यचकित होऊन तो किचनमध्ये आला, तर डायनिंग टेबलवर गरमागरम नाश्ता, चहा आणि पेपर त्याची वाट पाहात होता. तिथेच बायकोची चिठी होती. 'मी बाजारात जाऊन येतेय. तुम्ही नाश्ता करून, आंघोळ उरकून घ्या. आज मस्त फिश करीचा बेत आहे दुपारी.' आता तर हद्दच झाली. पक्यानं आपल्या मुलाला विचारलं, ''काल रात्री काय झालं रे?'' '' काय होणार? नेहमीचंच,'' मुलगा म्हणाला, ''तुम्ही फुल टाइट झिंगून, गटारात पडून, घाण कपड्यांनी घरी आलात. घरातच तीन वेळा पडलात. एक खुचीर् मोडलीत.'' '' बाप रे! मग तुझ्या आईनं आज घर डोक्यावरच घ्यायला हवं होतं. पण, हे स्वच्छ कपडे, नाश्ता, पेपर, ही चिठ्ठी...'' मुलगा म्हणाला, ''रात्री तुम्हाला बिछान्यावर झोपवून आई तुमचे घाणेरडे कपडे काढू लागली तेव्हा तुम्ही नशेत बरळलात, 'ओ ताई, काय करताय? घरी बायको आहे माझी लग्नाची!!!!''